Sirdaryo viloyati xalq ta’limi boshqarmasi tasarrufidagi 1-sonli viloyat xorijiy tillarga ixtisoslashtirilgan maktab internati. Maktab 1993 yilda tashkil topgan va ingliz, fransuz, rus tillariga ixtisoslashtirilgan. Ta’lim muassasasi, ota – ona va mahalla hamkorligi yaxshi yo‘lga qo‘yilgan, har bir o‘quvchi o‘zining olgan ta’lim–tarbiyasi, odob – ahloqi bilan ajralib turadi. Bitiruvchi sinf o‘quvchilari 2000 yildan boshlab muntazam ravishda viloyat va Respublika fan olimpiadalari bosqichlarida sovrindor o‘rinlarni egallab kelishgan. Jumladan, 3 nafar o‘quvchi Xalqaro fan olimpiadalarida ishtirok etgan. 2005 yilda K.Kadirova Moskva shahrida o‘tkazilgan XI xalqaro olimpiada rus tili fani bo‘yicha bronza medali sohibasi bo‘lgan, 2007 yil S.No‘monova tanlovning nominatsiyasiga sazovor bo‘lgan.